Grumbullimi

Grumbullimi I bimëve spontane nga Natyra

Veprimtaria e grumbullimit të bimëve mjekësore & aromatike, ka qënë shumë e zhvilluar në Kosovë deri në vitet e 80-ta e cila veprimtari atë kohë është organizuar nga ana e shtetit, nëpërmjet Kooperativave Bujqësore, mirëpo me prishjen e situatës politike në Kosovë, kjo veprimtari ka pushuar së funksionuari për më shumë se 20 vite. Pas kësaj periudhe të mos shfrytëzimit të këtyre kapaciteteve të bimëve mjekësore & aromatike janë rritur kapacitetet për shfrytëzimin në mënyrë të kontrolluar të kësaj pasurie natyrore. Meqënëse ne kishim traditë familjare grumbullimin në kohën e mëparme, kemi filluar në vitin 2002 të organizojmë punën në këtë sektor, por me një sistem të ri të organizimit të punës i cili sistem nuk është për tu hasur me asnjë vend në regjion dhe më gjërë. Për dallim nga vendet tjera, ku mbledhja mjekësore aromatike bëhët në mënyrë të pa organizuar, ku mbledhësit nëpër zonat rurale mbledhin bimët në mënyrë të pa kontrolluar,  jo në kohën e duhur, bënë tharjen në mënyrë natyrale në diell, pa kushte higjenike, pa kushte për deponim, ruajtje, dhe qka është kryesore pa ditur kuj do t’ia shesin ato produkte.

Në rastin tonë ne e kemi organizuar punën në një sistem krejt ndryshe,e të ri, duke organizuar mbledhës të ri në moshë, duke i trajnuar ata për kohën e mbledhjes, sasin e mbledhjes, mënyren e ruajtjes, dhe mënyren e tharjes së tyre. Vitin e dytë të organizimit, në një regjion ku ka pasur aktivitet të mirëfillt, kemi avancuar në qendër grumbulluse duke siguruar tharëse dhe makineri të nevojshme për këtë qendër, duke siguruar kontrata afatëgjate për marrjen e produkteve, me qmime dhe sasi të kontraktuara.
Tani më kemi të organizuara në tërë territorin e Kosovës 33 qendra te grumbullimit, të cilat qendra janë të paisura me tharëse për ti tharë këto bimë. Kështu që mbledhësit të organizuar rreth një qendre grumbulluese sasit ditore të mbledhura të bimëve të freskëta I dorzojnë tek qendra grumbulluese për ti tharë ato, dhe përms këtij procesi sigurohet edhe cilsia e klasit të parë. Tani kemi të organizuar 3235 mbledhës, kryesisht të moshave të reja të cilet mbledhin bimët në baza ditore dhe i dorzojnë tek qendrat grumbulluese, të cilat qendra pastaj pasi të ken siguru sasi të këtyre bimëve të kontraktuara i dorzojn tek Kompania Agroproduct-shpk.